Tilik Sekolah

Tulisan ini sudah pernah dimuat di Kompasiana.com ... 

https://www.kompasiana.com/mas91295/5f45276cd541df3037780053/tilik-sekolah 

Selamat membaca dan salam literasi

Tilik Sekolah

Kaanggit dening Kang Rakhmat

Wes suwe rasane kahanan kaya ngene

Wes suwe rasane ati iki nyimpen kangen tandang gawe

Wes suwe jamane krasa owah amarga wabah nyang kene

Wes suwe ati iki lungkrah kangen sekolah apa maneh bocah

Sedulur …

Iku kabeh rasa kang tumanja ana dhadha

Iku kabeh rasa yen dirasa tambah krasa lara

Iku kabeh rasa yen dipeksa isa ambyar nerak sengkala

Iku kabeh rasa yen ditata mesti ora marakke kuciwa

Sedulur …

Tilik sekolah …

Apa isa marakke bubrah?

Tilik sekolah …

Apa isa marakke sapa wae kena wabah?

Tilik sekolah …

Sing pesthi pancen dadi ancase manah nggladhi bocah

Tilik sekolah …

Kabeh mau kanggo kaya tandha isa padha uga isa beda

Tandha yen disengaja marakke lara nanging ora gawe kuciwa

Nanging sedulur …

Tilik sekolah …

Aja nganti padha nggladrah

Nanging kabeh mau kudu manut pamarintah

Supados wabah ndang pindah

Saha kareben ati isa bungah amarga ketemu bocah

Tilik sekolah …

Pancen endah wondene ana wabah

 

Pasadena, 25/8/20.0901